Այս խորագրով հանդիպումը կայացավ 10․04․2025թ․։ Հանդիպման ընթացքում անատոմիայի դասախոս Տ․Պ․ Մինասյանը ներկաների հետ կիսվեց իր հետազոտությամբ։ Ներկայացվեցին բավական մանրակրկիտ վիճակագրական տվյալներ ինչպես արտերկրի, այնպես էլ ՀՀ առաջատար բժշկական ԲՈՒՀ-երի ուսանողների առաջադիմության վերաբերյալ (Հրավարդի Օքսվորդի, Ջոն Հոփքինսի, Ստենֆորդի, Տոկիոյի, Հայդելբերգի, Մելբուռնի համալսարաններ և ԵՊԲՀ, ՀԲԻ)։
Վիճակագրական տվյալները ցույց տվեցին, որ գերազանց գնահատականի /9-10/ համամասնությունը ՀՀ-ում (ինչպես ՀԲԻ-ում, այնպես էլ հայաստանյան այլ բժշկական բուհերում), այնպես էլ արտերկրում գրեթե նույնն է, սակայն տարբերություննները զգալի են լավ գնահատականների դեպքում /8-9/։ Ի դեպ, Հայսատանյան ԲՈՒՀ-երում անվաբարար գնահատականների տոկոսն ավելի բարձր է։ Բոլոր դիտարկված համալսարաններում անբարարությունների զգալի մասը բաժին է հասնում անատոմիա (40%)+կենսաքիմիա (20%), դեղագիտություն (27%) և մանրէաբանություն առարկաներին (30%):
Հայկական և միջազգային բժշկական ԲՈՒՀ-երի հիմնական տարբերություններից մատնանշվեցին դրսում կիրառվող դասավանդման ավելի արդիական մեթոդները, բարդ սիմուլյացիաները, հետազոտության պարտադիր լինելը բոլորի համար, այնինչ ՀՀ-ում դա ավելի շատ իրականացվում է օրդինատուրայում ուսուցման ընթացքում։
Տիգրան Պարույրովիչը ներկայացրեց, և մասնակիցները բուռն քննարկեցին առաջադիմության վրա ազդող գործոնները ևս, որոնց մեջ կարևոր մասանբաժին ունեին ուսանողների մոտիվացիայի պապհմանումը և կարգապահության ազդեցությունը։
