Շրջանավարտներ


ԻնգաԻնգա Ավանեսյան – Նա երազում էր դատապաշտպան դառնալ: Սակայն ընդառաջ գնալով մանկաբարձուհի մոր ցանկությանը, դպրոցն ավարտելուց հետո Ինգան ընդունվեց Հայկական բժշկական ինստիտուտ: Այսօր նա աշխատում է «Սուրբ Գրիգոր Լուսավորիչ»  բժշկական կենտրոնի ծննդատանը: Սիրում է իր աշխատանքը, տարիների ընթացքում սովորածը, ստացած գիտելիքներն ու պրակտիկ ունակությունները կիրառում հանուն կանանց առողջության,

Ավարտելով ՀԲԻ-ի բուժական ֆակուլտետը, Ինգան անցավ ինտերնատուրա «Ընդհանուր պրակտիկայի բժիշկ» մասնագիտությամբ, ապա կլինիկական օրդինատուրա Մոր եւ մանկան առողջության պահպանման գիտահետազոտական ինստիտուտում:

Նրա աշխատանքային ճանապարհն սկսվեց  2004թ.  առողջության հայ-ամերիկյան կենտրոնում, որտեղ աշխատեց մանկաբարձ-գինեկոլոգ: 2008թ. պաշտպանել է թեկնածուական թեզ:



ՎիկտորիաՎիկտորյա Հովհաննիսյան  Վիկտորյա Հովհաննիսյան  Ավարտելով Երեւանի № 128 դպրոցը, 1995թ. ընդունվել է Հայկական բժշկական ինստիտուտի բուժական ֆակուլտետ: Ավարտելով բուհը, 2001-2003թթ. ուռուցքաբանության գծով  կլինիկական օրդինատուրա է անցել Հայաստանի ուռուցքաբանության ազգային կենտրոնում: 2004-2008թթ. աշխատել է պրոկտոլոգիայի բաժանմունքում: 2008-ից մինչ օրս աշխատում է որովայնային ուռուցքաբանության բաժանմունքում որպես վիրաբույժ: 2010թ. պաշտպանել է թեկնածուաական թեզ, բժշկական գիտությունների թեկնածու է:



լլԼուսինե Ոսկանյանը   1997 թվականին ավարտել է ՀԲԻ-ի բուժ. ֆակուլտետը 1998  ավարտել է  ինտերնատուրան ընդհանուր բժշկի  որակավորմամբ: Անցել է աշխատանքի որպես կրտսեր գիտ.աշխատող համաճարակաբանության ՀՀ ԱՆ  Համաճարակաբանության, վիրուսաբանության ինստիտուտում: Պաշտպանել է թեկնածուական  թեզ ակադեմիկոս  Յուրի Թադեւոսի Ալեքսանյանի ղեկավարությամբ: Գիտական աշխատանքները նվիրված են “Էնտերալ և պարէնտերալ վիրուսային հեպատիտների իմունաբանական  հարցերին:  Գիտական հոդվածների և ուսումնական ձեռնարկի հեղինակ է :  Ներկայումս աշխատում է թիվ 11  պոլիկլինիկայում որպես տեղամասային թերապևտ, ինչպես նաև դասավանդում է ՀԲԻ-ում տեսական իմունաբանության ծրագիրը: 2001 թվականից հանդիսանում է  ՀԲԻ-ի “Էրեբունի” պաշտոնաթերթի գլխավոր խմբագիրը:

 



Տաթեւիկ ԽաչատրյանՏաթեւիկ Խաչատրյան– ավարտելով ՀԲԻ-ի բուժական ֆակուլտետը, Տաթեւիկն անցել է կլինիկական օրդինատուրա  սրտի վիրաբուժությունից, ՌԴ Բակուլեւվի անվան սիրտ- անոթային վիրաբուժության գիտական կենտրոնում:

Պաշտպանել է գիտական թեզ եւ ստացել բժշկագիտության թեկնածուի գիտական աստիճան: Ապա վերադարձել է Հայաստան եւ աշխատել Զեյթունի «Սիրտ-անոթ» կենտրոնում, «Նորմեդ» բժշկական կենտրոնում:



Աշոտ Առուշանյան – 1998 թ-ին ավարտել է ՀԲԻ-ը: Նույն թվականին ընդունվել է ՌԴ Գիտությունների ակադեմիայի Ա.Ն. Բակուլեւի անվան սրտանոթային վիրաբուժության գիտական կենտրոնը` որպես օրդինատոր, 2000 թ.`ընդուվել է նույն ինստիտուտի ասպիրանտուրան: 2005թ. պաշտպանել է թեկնածուական ատենախոսություն եւ ստացել բժշկական գիտությունների թեկնածուի աստիճան: Ունի հրատարակված 20 գիտական աշխատանք: Աշխատում է ՌԴ գիտությունների ակադեմիայի Ա.Ն. Բակուլեւի անվան սրտանոթային գիտական կենտրոնում` որպես կրտսեր գիտ. աշխատող:



Զոյա

Զոյա Օհանյան -Գերազանցությամբ ավարտելով Երեւանի թ. 2 բժշկական ուսումնարանը, Զոյան աշխատանքի է անցել «Էրեբունի» բժշկական կենտրոնի հեմոդիալիզի բաժանմունքում: Զուգաֆեռաբար, 1991-1997թ. սովորել է Հայկական բժշկական ինստիտուտի բուժական ֆակուլտետում: 2000թ. Առողջապահության ազգային ինստիտուտում անցել է կլինիկական օրդինատուրա համաճարակաբանության գծով: Շուրջ 9 տարի է, ինչ աշխատում է որպես համաճարակաբան «Էրեբունի» բժշկական կենտրոնում: Մասնագիտացել է հոսպիտալային համաճարակաբանության գծով:

2008թ. պաշտպանել է թեզ «Ինֆեկցիոն հսկողության սկզբունքները ներհիվանդանոցային ինֆեկցիաների նկատմամբ բազմապրոֆիլ ստացիոնարի վերակենդանացման եւ ինտենսիվ թերապիայի բաժանմունքում» թեմայով եւ ստացել բժշկական գիտությունների թեկնածուի գիտական աստիճան:

2016թվականից դասավանդում է Հայկական բժշկական ինստիտուտում:




vaheՎահե Ազատյան
Վահեն ծնվել ու մեծացել է բժիշկների ընտանիքում:

Հայկական բժշկական ինստիտուտն ավարտելուց հետո անցել է ինտերնատուրա «Ժպիտ» ստոմատոլոգիական պոլիկլինիկայում: Ապա աշխատանքի անցել նույն տեղում եւ համատեղությամբ դասավանդել բժշկական ուսումնարանում: 2006թ. ընդունվել է Առողջապահության ազգային ինստիտուտի ասպիրանտուրա պլաստիկ եւ դիմածնոտային վիրաբուժության ամբիոնում: 2010թ. պաշտպանել է գիտական թեզ  եւ ստացել բժշկական գիտությունների թեկնածուի գիտական աստիճան:

Վահեի սերը բժշկության եւ գիտության հանդեպ սերմանվել է ընտանիքում: «Առաջին գիտական հոդվածս տպագրվել է ՀԲԻ-ի 2-րդ ուսանողական գիտական նյութերի ժողովածուում»,- այսօր հիշում է նա:

Վահեն ուրախ է, որ ընտրել է հենց ստոմատոլոգի մասնագիտությունը, քանի որ սիրում է իր աշխատանքը եւ իրեն աjլ ասպարեզում չի պատկերացնում:



Հովհաննես

Հովհաննես Ստեփանյան – Սովորել է Գոգոլի անվան թ. 35 դպրոցում: 1993թ. ընդունվել է № 2 բժշկական ուսումնարան: Ավարտելուց հետո 1996-1998թթ. ծառայել է Հայոց բանակում:  1998թ. ընդունվել է Հայկական բժշկական ինստիտուտի բուժական ֆակուլտետը: Ավարտելուց հետո ուսումը շարունակել է Առողջապահության ազգային ինստիտուտի պլաստիկ վիրաբուժության ամբիոնում և դարձել պլաստիկ վիրաբուժ: 2008թ. –ից  աշխատում է «Երևան» բժշկական  կենտրոնում որպես պլաստիկ վիրաբույժ:




Կարեն Կարակյան

Կարեն Կարակյան – 1997 թ-ին ավարտել է Հայկական բժշկական ինստիտուտը: Ներկայումս ՀԲԻ-ի ստոմատոլոգիական
‎ֆակուլտետի դեկանն է: Վերապատրաստվել է Գերմանիայի Մայնց քաղաքի համալսարանում, 6 գիտական հոդվածների համահեղինակ է, 2 գյուտի եւ 2 ուսումնական ձեռնարկի համահեղինակ: «Արեգակ» ստոմոտոլոգիական կլինիկայում զբաղվում է իր մասնագիտությամբ:



իրինա


Իրինա Վիրաբյան– Ավարտելով Ախալցխայի թիվ 3 դպրոցը, 2001թ. ընդունվել է Հայկական բժշկական ինստիտուտի բուժական ֆակուլտետը:

2007թ. ավարտելով բուհը, կլինիկական օրդինատուրա է անցել Առողջապահության Ազգային Ինստիտուտի հոգեբուժության ամբիոնում:

2009-ից աշխատում է «Ավան»  հոգեկան առողջության կենտրոնում, որպես հոգեբույժ:

Սիրով ու երախտագիտությամբ է հիշում ուսումնառության տարիները ՀԲԻ-ում, այն բոլոր դասախոսներին, ովքեր ջանք ու եռանդ չէին խնայում իրենց գիտելիքները ուսանողներին փոխանցելու համար:



Սսուսաննաուսաննա Ասատրյան – Դպրոցը գերազանցության մեդալով ավարտելուց հետո առանց վարանելու դիմեց Հայկական բժշկական ինստիտուտ, քանի որ համոզված էր և ծանոթ ինստիտուտի կրթական բարձր որակին: Բժշկի մասնագիտության ընտրությունը իր մեջ կասկած չէր հարուցում,  սերը այդ մասնագիտության հանդեպ  ձևավորվել էր մանկուց: Նա շարունակողն էր ընտանեկան ավանդույթի՝ հանդիսանալով բժիշկների ընտանիքի երրորդ սերունդը:

2004թ. գերազանցությամբ ավարտել է ՀԲԻ-ի բուժական ֆակուլտետը և շարունակել ուսումը կլինիկական օրդինատուրայում «էնդոկրինոլոգիա» մասնագիտությամբ Ազգային առողջապահության ինստիտուտում: Ավարտելուց հետո 2006թ. անցել է աշխատանքի «Էրեբունի» բժշկական կենտրոնում, որպես բժիշկ–էնդոկրինոլոգ: Մասնագիտական վերապատրաստումներ է անցել Մոսկվայում, Ավստրիայում, Իսպանիայում: Հեղինակ է գիտական հոդվածների և ուսումնական ձեռնարկի: Աշխատանքի հետ համատեղ դասավանդում է Հայկական բժշկական ինստիտուտում:



11048615_979172125461856_4359467403158779439_o

Արման եւ Վերժինե Ամիրխանյաններ  Բժշկության հանդեպ հետաքրքրությունը նրանց մոտ առաջացավ դեռ փոքր հասակից: Քույր ու եղբայր հաճախ էին գալիս վիրաբույժ մորաքրոջ՝ Ա.Գ.Գեւորգյանի աշխատավայր և ականատես լինում բժշկի աշխատանքին: Իրարից անկախ Վերժինեն ու Արմանը կայացրեցին իրենց որոշումը՝ դառնալ բժիշկ: Վերժինեն ու Արմանը ավարտել են Հայկական բժշկական ինստիտուտը: 2009-2011թթ. Վերժինեն «պրոկտոլոգիա» մասնագիտությամբ կլինիկական օրդինատուրա է անցել Ազգային Առողջապահության ինստիտուտում: 2013թ. վերապատրաստվել է Երևանի Մխիթար Հերացու անվան պետական բժշկական համալսարանում: 2013-ից աշխատում՝ «Իզմիրլյան» բժշկական կենտրոնում որպես՝ Վիրաբույժ-կոլոպրոկտոլոգ:

Հայկական բանակում իր պարտքը կատարելուց հետո Երեւանի պետական բժշկական համալսարանում  կլինիկական օրդինատուրա անցավ նաև  Արմանը: Ու դարձյալ աշխատանքային ճանապարհը ուղղորդեց «Իզմիրլյան» բժշկական կենտրոն:

Այսօր Արմանն ու Վերժինեն Ա.Գ.Գեւորգյանի հետ ստեղծել են ԱՎԱ պրոկտոլոգիայի բժիշկների  մասնագիտացված խումբ ու աշխատում են միասին:


Ոսկանյան


Բագրատ եւ Էդուարդ Ոսկանյան  եղբայրները վիրաբույժներ են: Բագրատն աշխատում է Աշոցքի շրջանի «Տիրամայր Նարեկացի» հիվանդանոցում, որպես մանկաբարձա-գինեկոլոգիական բաժնի վարիչ, իսկ Էդվարդը` Երեւանի «Քանաքեռ-Զեյթուն» բժշկական կենտրոնի ուրոլոգիական բաժնում, որպես ուրոլոգ: Բժշկություն տանող նրանց ճանապարհը սկսվել է  Հայկական բժշկական ինստիտուտից: Բագրատը ՀԲԻ եկավ բուհի հիմնադրման առաջին տարում՝ 1990թ.: Բուհում տիրող մթնոլորտը, պրոֆեսաորադասախոսական կազմի և ուսուցման որակը ավելին էր սպասվածից: Ուստի 3 տարի անց եղբորը Էդվարդին, եւս խորհուրդ տվեց դիմել ՀԲԻ: Ուսումն ավարտելուց հետո Բագրատն մեկնեց Ռուսաստանի Դաշնություն՝ Սարատովի երկրամասի Էնգելսկ քաղաքի Պերինատոլոգիայի կենտրոն՝ կլինիկական օրդինատուրա: 2001թ. ՀԲԻ-ն ավարտելուց հետո Սարատով մեկնեց նաև Էդվարդը: Անցնելով առաջնային մասնագիտացում Սարատովի բժշկական համալսարանի ուրոլոգիայի ամբիոնում, նա սկսեց մասնագիտական աշխատանքը Էնգելսկի հիվանդանոցի ուրոլոգիայի բաժնում: Ապա 2003-2005թթ. անցավ կլինիկական օրդինատուրա ուրոլոգիայի գծով: Վերադառնալով Հայաստան, շուրջ անցավ աշխատանքի «Քանաքեռ Զեյթուն» ԲԿ-ում:



Karen Hovanisyan 1

Կարեն Հովհաննիսյան – 1997 թ-ին ավարտել է ՀԲԻ-ի բուժական ‎ֆակուլտետը գերազանց առաջադիմությամբ: Հետդիպլոմային կրթությունը շարունակել է Շվեդիայի Լունդ քաղաքի համալսարանի հասարակական առողջության եւ շրջակա միջավայրի ֆակուլտետում: Մի շարք գիտական աշխատանքերի և հոդվածների հեղինակ է:



ՆառաՆառա Բաղդասարյան Նա մեծացել է  բժիշկների ընտանիքում: «Դեռ փոքրուց նույնիսկ երկընտրանք չի եղել: Այնքան հաստատակամ էի բժիշկ դառնալու որոշման մեջ»,- ասում  է  Նառան:

Ավարտելով ՀԲԻ-ի բուժական ֆակուլտետը, Նառա Բաղդասարյանն ուսումը շարունակեց ԱԱԻ կլինիկական օրդինատուրայում եւ դարձավ գաստրոէնտերոլոգ: Նա երախտագիտությամբ ու շնորհակալության զգացումով է խոսում նաեւ իր այն ուսուցիչների մասին, ովքեր կլինիկական օրդինատուրայում ամեն ինչ արեցին` որպես մասնագետ իր կայացման համար:

Այսօր Նառա Բաղդասարյանն աշխատում է «Նոր Արաբկիր» ԱԿ-ում: Սիրում է իր աշխատանքը, իր հիվանդներին:



Հովհանիսյան

Աշոտ Հովհաննիսյան -Բժշկության հանդեպ սերը նրան փոխանցվեց եղբորից, ով ստոմատոլոգ լինելով, խորհուրդ տվեց դառնալ ատամնատեխնիկ: Մի քանի տարի որպես ատամնատեխնիկ աշխատելուց հետո զգաց, որ ավելին իմանալու ձգտում կա: Ու դարձավ Հայկական բժշկական ինստիտուտի ստոմատոլոգիական ֆակուլտետի ուսանող: 1995թ. ՀԲԻ-ն ավարտելուց հետո սկսեց բժշկի պրակտիկան, որն հաջողությամբ շարունակում է իր սեփական կլինիկայում:



ուդումյան

Վրույր Ուդումյանը  Հայկական բժշկական ինստիտուտում ուսանել է 1994-2000թթ: Մինչ այդ հասցրել էր գերազանցությամբ ավարտել Երեւանի թիվ 2 բժշկական ուսումնարանը եւ ծառայել հայոց բանակում:

Այսօր նա վիրաբույժ է եւ աշխատում է «Գրիգոր Նարեկացի»  բժշկական կենտրոնում: Շուրջ 10 տարի որպես վիրաբույժ աշխատել է «ՄՑԽ » կենտրոնում: Վրույրը գոհ ու շնորհակալ է իր ճակատագրից, որ բախտ է ունեցել սովորելու ՀԲԻ-ում, իսկ կլինիկական օրդինատուրայում աշակերտել է ճանաչված վիրաբույժ, պրոֆեսոր Զ. Ա. Տեր-Ավետիքյանին, ով դարձել է նրա ուսուցիչը  եւ ում հետ աշխատում է մինչ օրս:



ԱնահիտԱնահիտ Մխիթարյան -1990թ. դարձավ նոր իր գործունեությունը սկսած Հայկական բժշկական ինստիտուտի ստոմատոլոգիական ֆակուլտետի ուսանող: «Թեեւ դժվարին տարիներ էին, սակայն սովորելու տենչը, ավելին իմանալու ձգտումը օգնում էր հաղթահարել ամեն տեսակ դժվարություն»,- այսօր տարիների հեռվից հիշում է Անահիտը:

1995-ին ավարտեց բուհը, 1996-ին ինտերնատուրան: Ու անմիջապես աշխատանքի առաջարկ ստացավ ` ՙԻնտելեկտ՚ ստոմատոլոգիական կլինիկայից:

Այսօր Անահիտ Մխիթարյանն ապրում եւ աշխատում է Միացյալ Արաբական Էմիրությունների  Շարժա (Դուբայից ոչ հեռու) քաղաքում, քանի որ 2006թ. ընտանիք կազմելուց հետո տեղափոխվել է այնտեղ: ՙԱշխատանքի ընդունվելու համար այստեղ պետք է քննություն հանձնել եւ լիցենզիա ստանալ: Երբ առաջին անգամ փորձեցի, անհաջողության մատնվեցի, քանի որ կար լեզվի խնդիր եւ բժշկական դպրոցների տարբերություն: Ուստի փորձեցի աշխատել որպես բժշկի օգնական: Կլինիկայում տեսնելով իմ հմտությունները, թույլատրեցին աշխատել որպես բժիշկ -նշում  է Անահիտը:

Լինելով նպատակասլաց եւ համառ անձնավորություն, Անահիտը գիշեր-ցերեկ պարապելով, հաղթահարեց բոլոր դժվարություններն ու հաջողությամբ հանձնեց քննությունը` ստանալով լիցենզիա: Այսօր նա առանց մտավախության աշխատում է:



լուսինեԼուսինե Սարգսյան-2001-2007թթ. սովորել է Հայկական բժշկական ինստիտուտում: Ապա կլինիկական օրդինատուրա է  անցել Ս. Ավդալբեկյանի անվան Առողջապահության Ազգային Ինստիտուտում: Աշխատել է տարբեր ստոմատոլոգիական կլինիկաներում: Ներկայումս աշխատում է «Վան» ստոմատոլոգիական կլինիկայում, սիրում է իր աշխատանքը, փորձում այն օգտակար ու հետաքրքիր դարձնել:

2015թ. ՀԲԻ-ի գիտխորհրդի նիստը հավանություն տրվեց Լուսինե Սարգսյանի «Պարօդոնտոլոգիա, պարօդոնտի հիվանդություններ» ուսումնական ձեռնարկի հրատարակմանը:



ՏաթեւիկՏաթեվիկ Ղազարյան– Ավարտելով Արմավիրի մարզի Հուշակերտի միջնակարգ  դպրոցը, 2003թ. ընդունվեց Հայկական բժշկական ինստիտուտի բուժական ֆակուլտետ: 2009թ. գերազանցությամբ ավարտելով  բուհը, ընդունվեց ԱԱԻ կլինիկական օրդինատուրա «մանկաբարձություն եւ գինեկոլոգիա»  մասնագիտությամբ: Հաջողությամբ ավարտելով կլինիկական օրդինատուրան, աշխատանքի անցավ  «Հիսուսի մանուկներ» Քեւօրք եւ Անիթա Փակումեանների հիշատակի առողջության կենտրոնում, որպես կանանց կոնսուլտացիայի բաժնի ղեկավար: Զուգահեռաբար հերթապայում էր նաեւ «Արմավիր» ԲԿ-ի ծննդատանը:

Ներկայումս աշխատում է «Մեծամոր» ԲԿ-ի գինեկոլոգիայի բաժանմունքում:



ՍիրարփիՍիրարփի  Մանուկյան 1998-2003թթ. սովորել է Երեւանի Վ. Բրյուսովի անվան պետական լեզվաբանական համալսարանի թարգմանչական ֆակուլտետում, ստանալով ֆրանսերեն լեզվի թարգմանչի որակավորում: 2005թ. ընդունվել է Հայկական բժշկական ինստիտուտի ստոմատոլոգիական ֆակուլտետ: 2011թ. բուհն ավարտելուց հետո կլինիկական օրդինատուրա է անցել Մխիթար Հերացու անվ. պետական բժշկական համալսարանի դիմածնոտային վիրաբուժության ամբիոնում:

Ներկայումս զբաղվում է բուժական կոսմետոլոգիայով. հիմնել է իր սեփական «Սառա» բժշկական կենտրոնը:



Qosyan Marina1

Մարինա Քոսյան -2009թ. թ-ին ավարտել է ՀԲԻ-ի բուժական ‎ֆակուլտետը գերազանց առաջադիմությամբ: 2009-2012թթ. «նյարդաբանությություն» մասնագիտությամբ կլինիկական օրդինատուրա է անցել Երեւանի Մխիթար Հերացու անվան պետական բժշկական համալսարանում:

Ներկայումս աշխատում է «Արթմեդ» բժշկական կենտրոնւմ որպես նյարդաբան:



Դավիթ Հակոբյան

Դավիթ Հակոբյան – 1996 թ-ին ավարտել է ՀԲԻ-ի ստոմատոլոգիական ‎ֆակուլտետը: Հիմնել է «Արեգակ» ստոմ. կլինիկան: Աշխատում է եւ որպես տնօրեն, եւ որպես պրակտիկ բժիշկ-ստոմատոլոգ: Վերապատրաստվել է Գերմանիայի Մայնց քաղաքի համալսարանում:



17

Քրիստինե Ղարաբաղցյան-Գերդաստանում շատ բժիշկներ ունենք: Սակայն  ես դարձա առաջին ստոմատոլոգը: 1997թ. ավարտեցի Հայկական բժշկական ինստիտուտի ստոմատոլոգիական ֆակուլտետը: 2001-ից մինչեւ օրս աշխատում եմ իմ սիրած մասնագիտությամբ – նշում է ՀԲԻ-ի ստոմատոլոգիական ֆակուլտետի շրջանավարտ Քրիստինե Ղարաբաղցյանը

2005թ. վերապատրաստվել է Գերմանիայում:



Ռոբերտ ԱնտոնյանՌոբերտ Անտոնյան– 2006թ. ավարտել է  Հայկական բժշկական ինստիտուտի բուժական ֆակուլտետը, նա Առողջապահության ազգային ինստիտուտում անցավ կլինիկական օրդինատուրա հոմեոպաթիա մասնագիտությամբ: Այսօր Ռոբերտ Անտոնյանն աշխատում է  որպես բժիշկ հոմեոպաթ:

ՀԲԻ ընդունվելը նշանակալից իրադարձություն էր Ռոբերտի համար ոչ միայն նրանով, որ արվեց առաջին քայլը բժիշկ դառնալու ճանապարհին, այլեւ նրանով, որ նա ուսանող դարձավ չորրորդ անգամ:

Ավարտելով Երեւանի պոլիտեխնիկական ինստիտուտը, նա ուսումը շարունակեց մագիստրատուրայում, ապա ասպիրանտուրայում: Այն ավարտելուց հետո աշխատեց որպես համակարգերի, համալիրների եւ համակարգչային ցանցի ինժեներ:

Գերմանուհի հոմեոպաթ Սաբինա Ցիմերմանի հետ հանդիպումը եղավ ճակատագրական: Գերմանուհին  ՙԷրեբունի՚ բժշկական կենտրոնում հոմեոպաթիայի դասընթացներ էր անցկացնում:  Ռոբերտը լինելով գերմաներեն սիրողների երիտասարդական ակումբի անդամ, վերապատրաստման նպատակով մեկնեց Գերմանիա: Վերադառնալուց հետո  ՙԷրեբունի՚ բժշկական կենտրոնի բժիշկ-ընկերները խորհուրդ տվեցին նրան դիմել Հայկական բժշկական ինստիտուտ:



ԿարինեԿարինե Պետրոսյան – Այսօր Հայկական բժշկական ինստիտուտի  ԱՄԻ դենտ կլինիկայի ստոմատոլոգ Կարինե Պետրոսյանը ուսուցանում է ՀԲԻ-ի ուսանողներին, փոխանցելով իր գիտելիքները ու փորձը իր սաներին: Մինչ Հայկական բժշկական ինստիտուտ ընդունվելը նա ավարտեց Երեւանի գյուղատնտեսական ակադեմիայի տնտեսագիտական ֆակուտետը: Ավարտելուց հետո անցավ աշխատանքի նույն ինստիտուտում: Սակայն  սերը դեպի բժշկությունը Կարինեին ուղղորդեց դեպի ՀԲԻ: 1990թ. Կարինեն եւ իր եղբայրը դարձան ՀԲԻ-ի առաջին ուսանողներից: Ինստիտուտն եւ ինտերնատուրան հաջողությամբ ավարտելուց հետո Կարինեն աշխատանքի անցավ Օշականի վերականգնողական կենտրոնում որպես բժիշկ ստոմատոլոգ, իսկ 2005թ.-ից կրկին ընդունվեց ՀԲԻ-ի արդեն որպես ստոմատոլոգ մանկավարժ: Նա վարում է թերապեւտիկ ստոմատոլոգիայի ֆանտոմային կուրսը: Ուսանողները սիրում եւ հարգում են Կարինե Պետրոսյանին:



kar1188Կարեն Ղարիբյան– 2000թ ավարտել է Հայկական բժշկական ինստիտուտի ստոմատոլոգիական ֆակուլտետը: 2000-2001թթ. մասնագիտացել է ինտերնատուրայում ստոմատոլոգիա մասնագիտությամբ և ստացել  «բժիշկ- ստոմատոլոգի»  որակավորում:  2009թ. կլինիկական օրդինատուրա է անցել Ս. Ավդալբեկյանի անվան Առողջապահության ազգային ինստիտուտում: 2003թ. աշխատում է իր իսկ հիմնած «ԱՁ Կարեն Ղարիբյան» ստոմատոլոգիական կլինիկայում:



kar11

Կարինե Ղարիբյան –  Եթե շատերը Հայկական բժշկական ինստիտուտի մասին լսում էին ուրիշներից, ապաԿարինե Ղարիբյանը ՀԲԻ եկավ իմանալով այստեղ տիրող իրավիճակի, դասախոսական կազմի որակի եւ շատ այլ բաների մասին: Նրա մայրը աշխատում է Հայկական բժշկական ինստիտուտում:

1998թ. ավարտել է Հայկական բժշկական ինստիտուտի բուժական ֆակուտետը: 1998-1999թթ. սովորել է ինտերնատուրայում «Բուժական գործ» մասնագիտությամբ և ստացել «ընդհանուր բժշկի» որակավորում: 2010թ. կլինիկական օրդինատուրա է անցել Ս. Ավդալբեկյանի անվան Առողջապահության ազգային ինստիտուտում «ակնաբուժություն»  մասնագիտությամբ: 2000թ. մինչ օրս աշխատում է Երեւանի երկաթուղու պոլիկլինիկայում  որպես բժիշկ-ակնաբուժ:



Լևոն
Գալստյան Լեւոն –   2001 թ գերազանցությամբ  ավարտել է ՀԲԻ-ի ստոմատոլոգիական ֆակուլտետը: Ուսանողական տարիներից հետաքրքրություն է դրսևորել դիմածնոտային վիրաբուժություն առարկայի հանդեպ դառնալով ՀԲԻ-ի վրաբուժական ստոմատոլոգիայի ամբիոնի վարիչ պրոֆեսոր Յու.Մ. Պողոսյանի լավագույն սաներից: 2001-2004թթ. Ազգային առողջապահության ինստիտուտում անցել է օրդինատուրա դիմա-ծնոտային վիրաբուժություն մասնագիտությամբ եւ անցել աշխատանքի իր մասնագիտությամբ: Ներկայումս ղեկավարում է Շենգավիթ բժշկական կենտրոնի համապատասխան բաժանմունքը: Հեղինակ է գիտական հոդվածների: Տարբեր տարիներ դասավանդել է ՀԲԻ-ում:



ԲԲեգոյան Դիանաեգոյան Դիանա –2013 թվականին գերազանցությամբ ավարտել է  ՀԲԻ-ի ստոմատոլոգիական ֆակուլտետը:  Ստանալով մագիստրոսի աստիճան բժիշկ-ստոմատոլոգի որակավորմամբ: Ինստիտուտն ավարտելուց հետո Դիանա Բեգոյանը անցել է պրակտիկ աշխատանքի որպես  բժիշկ ստոմատոլոգ, աշխատանքը համատեղում է դասախոսական աշխատանքի հետ ՀԲԻ-ում:


Չոբանյան Լուսինե


Չոբանյան Լուսինե  – 2014 թ. գերազանցությամբ ավարտել է  ՀԲԻ-ի ստոմատոլոգիական ֆակուլտետը,  ստանալով մագիստրոսի աստիճան բժիշկ-ստոմատոլոգի որակավորմամբ: Ինստիտուտն ավարտելուց հետո Լուսինե Չոբանյանը անցել է պրակտիկ աշխատանքի որպես  բժիշկ ստոմատոլոգ, աշխատանքը համատեղում է դասախոսական աշխատանքի հետ ՀԲԻ-ում:



Մովսիսյան Ժորժիկ

Մովսիսյան Ժորժիկ2011 թ.ավարտել է Հայկական բժշկական ինստիտուտի   ստոմատոլոգիական ֆակուլտետի բակալավրիատը , 2013թ. մագիստրատուրան:

2015 թվականին ավարտել է օրդինատուրան Մխիթար Հերացու անվան  պետական բժշկական ինստիտուտի ընդհանուր ստոմատոլոգիա մասնագիտությամբ: Անցել է աշխատանքի ԱՄԻ ԴԵՆՏ ստոմատոլոգիական կլինիկայում, դասավանդում է ՀԲԻ-ում:



Գոհար ՊեպոյանԳոհար Պեպոյան– Դեռ փոքրուց Գոհարը երազում էր այնպիսի մասնագիտություն ընտրել, որ կարողանար օգնել մարդկանց: «Բոլոր մարդիկ էլ կյանքի ընթացքում տարբեր դժվարություններ, հուսալքության պահեր են ունենում: Եվ որքան են ուրախանում, երբ իրենց կողքին հայտնվում է հույս ու լույս տվող մեկը: Ուստի ես ցանկանում էի դառնալ այդպիսի մեկը»- հիշում է Գոհարը:

2001թ. դպրոցն ավարտելուց հետո Գոհարն ընդունվեց Հայկական բժշկական ինստիտուտի բուժական ֆակուլտետ: Ուսումնառության տարիները ՀԲԻ-ում անցան ակնթարթի պես: Թեեւ մեծացել էի բժիշկների շրջապատում, սակայն իմ դասախոսների շնորհիվ մի ուրույն սիրով կապվեցի բժշկության,- պատմում է Գոհարը:

2007-2009թթ. կլինիկական օրդինատուրա անցավ Առողջապահության Ազգային Ինստիտուտի հոգեբուժության ամբիոնում, որն ավարտելուց հետո ընդունվեց աշխատանքի «Նուբարաշեն» հոգեբուժական կենտրոնի առաջին բաժանմունքում, որպես հոգեբույժ: 2011-ի նոյեմբերից նրան վստահվեց նույն բաժանմունքի վարիչի պարտականությունները:



Գահանե Մելիք Օհանյան-2

Գայանե Մելիք- Օհանյան– 1997թ.  հորաքրոջ խորհրդով դիմեց ՀԲԻ-ի բուժական ֆակուլտետ:

«Սկզբնական շրջանում չէի պատկերացնում իմ ընտրած մասնագիտության լրջությունը: Կարճ ժամանակ անց հասկացա, որ իմ մեջ ծնվել է սեր բժշկության հանդեպ ու սկսեցի սովորել սիրով ու հաճույքով: Ժամանակի ընթացքում այդ սերն այնքան մեծացավ, որ ես պատրաստ է հաղթահարել ցանկացած խոչնդոտ իմ ուսումը բժշկական բուհում ավարտելու համար»- պատմում է Գայանեն: Իր նպատակը  հստակորեն տեսնող Գայանե Մելիք- Օհանյանը 3-րդ կուրսից սկսած դասերից հետո աշխատում էր դեղատանը:

2003թ. բուհն ավարտեց գերազանցության դիպլոմով: 2003-2006թթ. Գայանեն անցավ կլինիկական օրդինատուրա ԱԱԻ-ի անեսթեզիոլոգիայի և ռեանիմատոլոգիայի ամբիոնում: Կլինիկական օրդինատուրան ավարտելուց հետո անցավ աշխատանքի «Արաբկիր» երեխաների և դեռահասների առողջության կենտրոնում: 2008թ. բուժհիմնարկի ղեկավարությունը փորձի փոխանակաման ծրագրի շրջանակներում նրան գործուղեց Բելգիայի Լիեժ քաղաքի կենտրոնական հիվանդանոց վերապատրաստման: Վերապատրաստումից հետո Գայանեն Սորբոնի համալսարանի բժշկական ֆակուլտետ: Ներկայումս Գայանե Մելիք-Օհանյանը ապրում և աշխատում է Բելգիայում:




gisaneԳեւորգ և Գիսանե Շաքարյաններ
– Գևորգն ու Գիսանեն  ամուսիններ են: Նրանք ծանոթացել են Հայկական բժշկական ինստիտուտում և կապել իրենց ճակատագրերը:

Ինստիտուտն ավարտելուց հետո նրանք երկուսն էլ ուսանել են կլինիկական օրդինատութայում՝ մաշկային և վեներական հիվանդությունների գծով:

Գևորգն  այսօր աշխատում է, որպես բժիշկ մաշկա-վեներոլոգ Մաշկաբանության և ՍՃՓՀ գիտական կենտրոնում, իսկ Գիսանեն՝ «Հելիոս» կենտրոնում, որպես գլխավոր կոսմետոլոգ:



1Հարություն Կարապետյան-  2005թ. ավարտելով  ՀԲԻ-ի Բուժական ֆակուլտետը, Հարությունը կլինիկական օրդինատուրա է անցել Խարկովի բժիշկների կատարելագործման ինստիտուտի վիրաբուժության ամբիոնում: Ապա վերադարձել է Երեւան և կլինիկական օրդինատուրա անցնել օրթոպեդիայի և վնասվածքաբանության գծով և դարձել է օրթոպեդ վնասվածքաբան: Շուրջ մեկ տարի աշխատել է ԼՂ Մարտակերտի հիվանդանոցում: Ներկայումս աշխատում է  Երևանի №.2 կլինիկական հիվանդանոցի օրթոպեդիայի և  վնասվածքաբանության բաժանմունքում, որպես օրթոպեդ-վնասվածքաբան:



Արմեն Մուրադյան-Դպրոցն ավարտելուց հետո 1999թ. Արմենն ընդունվել է Հայկական բժշկական ինստիտուտի բուժական ֆակուլտետ: Ծառայել է հայոց բանակում, ապա շարունակել ուսումը եւ 2008թ. ավարտել բուհը:

Առողջապահության ազգային ինստիտուտում «Սրտային վիրաբուժություն» մասնագիտությամբ կլինիկական օրդինատուրա անցնելուց հետո ընդունվել է աշխատանքի «Նորք-Մարաշ» բժշկական կենտրոնում, որպես կրտսեր վիրաբույժ: Այժմ նա որպես կայացած մասնագետ աշխատում է «Աստղիկ» բժշկական կենտրոնի սրտային վիրաբուժության բաժանմունքում:



Լիլիթ Վաղրամյան– 1994-2000թթ. Լիլիթը սովորել և ավարտեLilit-Bagramyanլ է Հայկական բժշկական ինստիտուտի բուժական ֆակուլտետը: Այժմ ապրում է ԱՄՆ-ում: Համագործակցում է ECFMG կազմակերպության հետ: Հաջողությամբ անցել է բժշկի լիցենզավորման 2 փուլերը: Ներկայումս պատրաստվում է լիցենզավորման վերջին քննությանը: Միաժամանակ աշխատում է էնդոկրինոլոգիական մասնավոր կլինիկայում, որպես հիվանդների կոորդինատոր:



ՎիկտորիաՎիկտորյա Շահբազյան- Ավարտելով Երեւանի «Քվանտ» վարժարանը, Վիկտորիան 2002թ. ընդունվել է Հայկական բժշկական ինստիտուտի բուժական ֆակուլտետ: Բուհն ավարտելուց հետո 2009-2012թթ. անցել է կլինիկական օրդինատուրա Երեւանի Մխիթար  Հերացու անվան բժշկական համալսարանի արյունաբանության ամբիոնում:

Ներկայումս աշխատում է «Էրեբունի» ԲԿ-ի արյան փոխներարկման բաժանմունքում, որպես արյունաբան – տրանսֆուզիոլոգ:



d9dc9b309142d218aa8252cde525ce4d-2 (2)Գալինա Մարտիրոսյան– Ծնվել է Երեւանում: Մանկության տարիների մի մասն անցկացրել Կիեւում եւ սովորել այնտեղ: Ապա տեղափոխվել է Երեւան եւ ավարտել թ. 182 դպրոցը: 2004-2010թթ. ուսանել է Հայկական բժշկական ինստիտուտի բուժական ֆակուլտետում:

Կլինիկական օրդինատուրա է անցել Ազգային առողջապահության ինստիտուտում «անեսթեզիոլոգիա եւ ռեանիմատոլոգիա» մասնագիտությամբ:  Աշխատում է «Էրեբունի» ԲԿ-ի շտապ օգնության ծառայությունում եւ Երեւանի քաղաքային շտապ օգնության «Կենտրոն» ենթակայանում:



ԴիաննաԴիանա Մանուչարյան -Դպրոցն ավարտելուց հետո Դիանան ընդունվեց Հայկական բժշկական ինստիտուտի բուժական ֆակուլտետ: 2005թ. ավարտելով բուհը, ընտրեց ակնաբույժի մասնագիտությունը եւ կլինիկական օրդինատուրան անցավ Առողջապահության ազգային ինստիտուտում:

2005-2008թթ. աշխատեց Ստեփանակերտի Արմինե Փակումյանի անվան պոլիկլինիկայում: Ներկայումս աշխատում է Տյումենի «Վիզուս 1 աչքի միկրովիրաբուժության կենտրոն»-ում:


կարգանԿարգան Գալստյան– Բժշկության հանդեպ նրա սերն ու հետաքրքրությունը գալիս են գեներով: Բազմաթիվ բժիշկներ ծնած գերդաստանի զավակ Կարգան  Գալստյանի համար ընտրությունն այլընտրանք չուներ: Ուստի հաջողությամբ ավարտելով զինվորական ծառայությունը հայոց բանակում, նա 2003-ին դիմեց Հայկական բժշկական ինստիտուտի ստոմատոլոգիական ֆակուլտետ:2009թ. ավարտելով ՀԲԻ-ն, Կարգանը սովորել է ԱԱԻ կլինիկական օրդինատուրայում «ընտանեկան ստոմատոլոգիա» մասնագիտությամբ:

Ներկայումս աշխատում է Մարտունու բժշկական կենտրոնում որպես ստոմատոլոգ:



զառաԶարուհի Պապիկյան -2004թ. գերազանցությամբ ավարտել  է Հայկական բժշկական ինստիտուտի ստոմատոլոգիական ֆակուլտետը: Ավարտելով ինտերնատուրան ընդունվել է աշխատանքի Դենտա Էլիտա կլինիկայում` որպես բժիշկ ստոմատոլոգ:

2013թ-ից աշխատում է «VICTORIA CONSULTING LLC» դեղագործական ընկերությունում` որպես դեղորայքի վաճառքի գծով պատասխանատու:



Ա.ԱրմենԱրմեն Անդրիասյան -2008թ. ավարտել է Հայկական բժշկական ինստիտուտի բուժական ֆակուլտետը: 2008-2010թթ. կլինիկական օրդինատուա է անցել ԱԱԻ-ի սոցիալական հիգիենա և առողջապահության կազմակերպում ամբիոնում: 2010-2013թթ. աշխատել է Հայկական բժշկական ինստիտուտում:

2013-2015թթ. օրդինատուրա է անցել  Երևանի Մխիթար Հերացու անվան պետական բժշկական համալսարանի դատական բժշկության ամբիոնում: 2015թ-ից աշխատում է ՀՀ ԱՆԴԲԳԳԿ-ի Արագածոտնի մարզի բաժնում, որպես դատական  բժիշկ:



Arsen-GԱրսեն Գուլիքեխվաեւ– Ծնվել և մեծացել է Աշխաբադում: Դպրոցն ավարտելուց հետո սովորել է բժշկական ուսումնարանում և դարձել բուժակ: 24 տարեկանում տեղափոխվել է Երևան և սովորել Հայկական բժշկական ինստիտուտի բուժական ֆակուլտետում: «Սրտաբանություն» մասնագիտությամբ կլինիկական օրդինատուրա անցնելուց հետո 2013թ.-ից աշխատում է «Էրեբունի» ԲԿ-ի Սրտաբանական կենտրոնի կարդիոռեանիմացիայի, առիթմոլոգիայի  բաժանմունքներում, հերթապահում «Շտապ օգնություն» -ում:



Տաթևիկ ՄիքաելյանՏաթեւիկ Միքայելյան  – դպրոցն ավարտելուց հետո Տաթեւիկը 1995-2001թթ. սովորել է ՀԲԻ-ի բուժական ֆակուլտետում, որն ավարտել է գերազանցությամբ: Այնուհետեւ ավարտել է ՀՀ ԱՆ ԱԱԻ կլինիկական օրդինատուրան «Ընտանեկան բժշկություն» մասնագիտությամբ: Նա աշխատել է Եղվարթի շտապ օգնության կայանում, Բուժական գյուղի առողջության առաջնային պահպանման կենտրոնում, իսկ 2010թ-ից աշխատում է Կոտայքի մարզի Զառ գյուղի առողջության առաջնային պահպանման կենտրնում, որպես տնօրեն և ընտանեկան բժիշկ: Այս տարի  2016թ.-ին պարգեւատրվել է Կոտայքի մարզպետարանի կողմից պատվոգրով:



Doc2-1Լևոն Խաչատրյան– 2009թ. ավարտելով Հայկական բժշկական ինստիտուտը, կլինիկական օրդինատուրա է անցել «դիմա-ծնոտային վիրաբուժություն»  մասնագիտությամբ: Վերապատրասվել է Գերմանիայի, Իսպանիայի Ռուսաստանի դաշնության առաջատար կլինիկաներում:

2012թ.-ից աշխատում է «Մոդեռն Իմպլանտ Մեդիսին»  ԲԿ-ում որպես տնօրեն եւ դիմա-ծնոտային վիրաբույժ, համատեղությամբ նաեւ «Արամյանց» ԲԿ-ում` դիմա-ծնոտային վիրաբույժ:



ԶԱՎԵՆ ԶԱՎԵՆ-ԵՎ-ԼՈՒՍԻՆԵԵՎ ԼՈՒՍԻՆԵ– Զավեն Մայիլյանն ու Լուսինե Խաչատրյանը Հայկական բժշկական ինստիտուտի առաջին շրջանավարտներից են: Նրանք այս բուհում սովորելով ոչ միայն դարձան ստոմատոլոգներ, այլ հենց այստեղ խաչվեցին նրանց կյանքի ուղիներն ու ծնվեց հայկական մի լավ ընտանիք:

Զավենն ու Լուսինեն սովորում էին նույն խմբում: Շուրջ 2 տասնամյակ է, ինչ Զավենն ու Լուսինեն միասին են ոչ միայն ընտանիքում, այլ նաեւ աշխատավայրում: Նրանք աշխատում են Մեծամորում, սեփական ստոմատոլոգիական կենտրոնում:



24ՏԻԳՐԱՆ ԵՎ ԼՈՒՍԻՆԵ ՀԱՄԲԱՐՁՈՒՄՅԱՆՆԵՐ– ՌԴ Սամարա քաղաքում ապրող ու աշխատող Տիգրանն ու Լուսինեն ամեն անգամ Հայաստան այցելելիս այցելում են նաեւ Հայկական բժշկական ինստիտուտ, հանդիպում բուհի ղեկավարությանը, դասախոսներին: Նրանց համար հարազատ տուն է ՀԲԻ-ն: Չէ± որ այստեղից է սկսվել նրանց` բժշկություն տանող ճանապարհի առաջին քայլերը: Այստեղ է սկսվել նրանց սիրո պատմությունը, որ հետո մի լավ ընտանիք պիտի դառնար:

Տիգրանը  հրապուրված էր վիրաբուժությամբ, Լուսինեն` էնդոկրինոլոգիայով:

1998թ. ՀԲԻ-ն ավարտելուց հետո Սամարա մեկնեց նաեւ Տիգրանը:

Սակայն ստացվեց այնպես, որ 4-րդ կուրսից Լուսինեն  հարկադրված էր ընտանիքիս հետ տեղափոխվել Սամարա եւ ուսումը շարունակել այնտեղ:

Սամարայի բժշկական համալսարանում կլինիկական օրդինատուրա անցնելուց հետո Լուսինեն դարձավ էնդոկրինոլոգ, իսկ Տիգրանը` ուռուցքաբան:

1998-2006թթ. Լուսինեն աշխատել է էնդոկրինոլոգիայի ամբիոնում, ապա աշխատանքի  տեղափոխվել դեղագործական ընկերությունում: Կլինիկական օրդինատուրան ավարտելուց հետո աշխատանքային ճանապարհը Տիգրանին ուղղորդեց դեպի ՌԴ ՆԳՆ համակարգ եւ նա դարձավ միլիցիայի հատուկ նշանակության ջոկատի բուժծառայության պետ: 3 տարի ծառայելուց հետո նշանակվեց ՆԳՆ ռազմաբժշկական հանձնաժողովի ավագ բժիշկ-վիրաբույժ, ապա հոսպիտալի պետի տեղակալ: Տիգրանի անմնացորդ աշխատանքն աննկատ չի մնացել: Նա պատվոգրերի է արժանացել ՌԴ ՆԳՆ նախարարի եւ նրա տեղակալի կողմից:

Ամեն օր Տիգրանն ու Լուսինեն աշխատանքից հետո շտապում են տուն, որտեղ նրանց են սպասում 3 զավակները: Ի դեպ, նրանց ավագ որդին եւս ցանկանում է շարունակել ծնողների գործը եւ  դառնալ բժիշկ:

Տիգրանն ու Լուսինեն անձնական ցանկություններից զատ, ցանկանում են, որ ՀԲԻ-ն շարունակի իր առաջընթացը, նորանոր հաջողություններ ունենա եւ իրենք ամեն անգամ մայր բուհ այցելելիս ուրախանալու նորանոր առիթներ ունենան: