ՈՒսանողական խորհուրդ


ՈՒՍԱՆՈՂԱԿԱՆ ԽՈՐՀՈՒՐԴ

ուսանողական խորհուրդ

Հայկական Բժշկական Ինստիտուտի Ուսանողական խորհուրդը ուսանողական ինքնակառավարման ընտրովի ներկայացուցչական մարմին է: Խորհուրդը արտահայտում եւ պաշտպանում է ուսանողության շահերը, նպաստում սովորողների սոցիալական դերի եւ ակտիվության բարձրացմանը, նրանց հասարակական եւ մշակույթային, գիտական, ինտելեկտուալ, ստեղծագործական, բարոյական եւ հոգեւոր զարգացմանը:

Ուսանողական խորհուրդը մինչ այժմ նախագահել են

 

  1. Տիգրան Հարությունյանը  (1990-1993թթ.)
  2. Վախթանգ Կարախանյանը  (1993-1995թթ.)
  3. Արթուր Բալայանը  (1995-2000թթ.)
  4. Գայանե Մելիք-Օհանյանը  (2000-2005թթ.)
  5. Քրիստինե Բարսեղյանը (2005-2010թթ.)
  6. Նարեկ Պեպանյանը (2010-2011թթ.)
  7. Սուսաննա Իվանյանը (2011-2014թթ.)
  8. Վաչագան Մարտիրոսյանը (2014թ-2017թ)
  9. Հայկ Սևոյանը (2017-2019)
  10. Սևակ Մնացականյան 2019-ից առ այսօր

Ուսանողական խորհրդի կազմում գործում են 2 ֆակուլտետային ուսանողական խորհուրդներ:

Խորհրդի կազմում գործում են 6 հանձնաժողավներ՝

  1. Ուսումնական
  2. Մշակույթի, սպորտի, ազատ ժամանցի
  3. Լրատվության և տեղեկատվության
  4. Կազմակերպչական
  5. Արտաքին կապերի
  6. Գիտական

Ուսանողական խորհրդի կողմից իրականացվում են հետեւյալ ծրագրերը՝

  • Ֆակուլտետային «Լավագույն խումբ» եւ «Լավագույն ուսանող» մրցույթ եւ մրցանակաբաշխություն
  • Թեմատիկ բանավեճի ակումբ
  • Մերձեցման օր առաջին կուրսեցիների համար
  • Շրջանավարտների ավարտական երեկոյի կազմակերպում
  • Էքսկուրսիաների եւ արշավների կազմակերպում
  • Ուսանողական փառատոնների կազմակերպում
  • Բարեգործական այց մանկատներ եւ ծերանոցներ
  • Ուսանողական խորհուրդը համագործակցում է
  • Հայաստանի երիտասարդական հիմնադրամի
  • «Ոչ պետական բուհերի ուսանողական կենտրոն» ՀԿ-ի
  • IFMSA-ի (Բժիշկ Ուսանողների Ասոցիացիաների Միջազգային Ֆեդերացիայի) կազմակերպության
  • IADS-ի (Ատամնաբոյւժ Ուսանողների Միջազգային Ասոցիացիա) կազմակերպության
  • Տարբեր ծրագրեր նաև ԱԱԻ -ի հետ:

Ուսանողական խորհրդի գործունեությանը մանրամասն ծանոթանալու  եւ մասնակցելու համար պարզապես անհրաժեշտ է ներկայանալ ուսանողական խորհուրդ՝ ՀԲԻ-ի կենտրոնական մասնաշենք V հարկ:

ՀԲԻ-ի ուս.խորհուրդը ներկայացնում է

           Գիտելիքն անգնահատելի արժեք է, սակայն ուսանողական կյանքը միայն լսարանով, սովորելով ու դասախոսություններով չեն սահմանափակվում: Ուսանողական կյանքը ավելի հետաքրքիր ու բովանդակալից է դառնում նաեւ ներբուհական տարբեր միջոցառումներով, որոնց նախաձեռնողներից մեկն էլ տվյալ բուհի ուսանողական խորհուրդն է:

Հայկական բժշկական ինստիտուտի Ուսանողական խորհրդի նախաձեռնությամբ կազմակերպվում է  ներբուհական սպորտային խաղեր՝ բազկամարտ, սեղանի թենիս եւ շախմատ սպորտաձեւերում: Ուսանողների ոգեւորությունը բավականին մեծ է: Մասնակցում են բուժական եւ ստոմատոլոգիական ֆակուլտետների տարբեր կուրսերի ուսանողներ:

Բազկամարտի մրցաշար

Սեղանի թենիսի մրցաշար

Շախմատի մրցաշար`

ՙՙԷրեբունի-Երեւան

Երեւանի հերթական տարեդարձը`ՙՙԷրեբունի-Երեւան-ը մաքուր դիմավորելու գիտակցությամբ մայրաքաղաքում կազմակերպվեց նախատոնական շաբաթօրյակ, որին մասնակցություն ունեցան տարբեր բուհերի ու քոլեջների ուսանողներ, երիտասարդ կամավորներ:
Համաքաղաքային շաբաթօրյակին ակտիվորեն մասնակցեցին նաեւ ՀԲԻ-ի ուսանողական խորհրդի անդամները:
ՙՄենք սիրում ենք մեր քաղաքը, այն մեր տունն է, ուստի պարտավոր ենք մաքուր պահել այն ,- այս համոզումն ունեն նրանք: