ՀԱՅԿԱԿԱՆ ԲԺՇԿԱԿԱՆ ԻՆՍՏԻՏՈՒՏԻ
ՈՒՍԱՆՈՂՆԵՐԻ ԸՆԴՈՒՆԵԼՈՒԹՅՈՒՆ
Հայկական բժշկական ինստիտուտն ամեն տարի հայտարարում է ուսումնական տարվա ընդունելություն հետևյալ ֆակուլտետներում`
<<Ընդհանուր բժշկություն>> և <<Ստոմատոլոգիա>> մասնագիտությունների գծով:
Ուսման տևողությունը <<Ընդհանուր բժշկության>> ֆակուլտետում 6 տարի է, <<Ստոմատոլոգիական>> ֆակուլտետում` 5 տարի:
ՀԲԻ կարող են դիմել միջնակարգ (լրիվ), միջին մասնագիտական կրթությամբ ՀՀ և օտարերկրյա քաղաքացիները` առանց տարիքային սահմանափակման:
Դիմորդներին իրավունք է վերապահվում միասնական (ընդունելության) քննություններ հանձնել իրենց ընտրությամբ՝ «Ֆիզիկա» (գրավոր), «Քիմիա» (գրավոր), «Կենսաբանություն» (գրավոր), նշված մրցութային առարկաներից երկուսը:
Ընդունելության քննությունների մրցույթների արդյունքները հաստատվում են հանրապետական ընդունող հանձնաժողովի որոշմամբ` ըստ ՀՀ կառավարության պետական բարձրագույն ուսումնական հաստատությունների 2012թ. ընդունելության կարգի:
Դիմորդը փասատթղթերը հանձնելու համար լրացնում է դիմում-հայտը, որտեղ պարտադիր առաջինը հայտագրում է ՀԲԻ-ի ընտրած մասնագիտությունը:
Դիմորդներն ընդունելության համար ներկայացնում են հետևյալ փաստաթղթերը.
- Դիմում-հայտ (լրացվում է բուհ-ում)
- Նախորդ տարիների շրջանավարտները ավարտական փաստաթուղթը ներկայացնում են դիմում հայտի հետ միասին` մայիսի 5-ից մինչև հունիսի 1-ն ընկած ժամանակահատվածում: 2011-2012 ուստարվա շրջանավարտները ներկայացնում են լուսանկարով տեղեկանք դպրոցից՝ տնօրենի կողմից կնքված, իսկ միջնակարգ կրթության ավարտական փաստաթուղթը` ատեստատ, (բնօրինակները) ներկայացնում են մինչև հուլիսի 10-ը:
- 6 լուսանկար (3 x 4 սմ չափսի)
- փաստաթուղթ պարտադիր ժամկետային զինվորական ծառայությունն անցած լինելու մասին
- անձը հաստատող փաստաթուղթ