Ճանաչելով մեր հայրենիքը՝ բացահայտում ենք նրա գեղեցկությունն ու պատմությունը

Բուժական ֆակուլտետի 205 խմբի ուսանողների նախաձեռնությամբ կազմակերպվեց գեղեցիկ և անմոռանալի ուսումնաճանաչողական այց դեպի Հայաստանի պատմամշակութային անկյուններ՝ Գառնի, Գեղարդ, Հին Դիլիջան և Հաղարծին։

Կուրատոր Լիան Կարապետյանի ուղեկցությամբ ուսանողները ոչ միայն բացահայտեցին հայրենիքի պատմական ու մշակութային արժեքները, այլև հնարավորություն ունեցան միասին անցկացնելու հաճելի ժամանակ, կիսելու տպավորություններն ու ստեղծելու գեղեցիկ հիշողություններ։

Գառնիի հեթանոսական տաճարի վեհությունը, Գեղարդի հոգևոր խորհուրդը, Հին Դիլիջանի ջերմ ու ինքնատիպ միջավայրը և Հաղարծինի անկրկնելի գեղեցկությունը այցը դարձրին իսկապես տպավորիչ։

Ուսանողական տարիները միայն դասեր ու մասնագիտական գիտելիքներ չեն։ Դրանք նաև ընկերության, միասին բացահայտելու, միմյանց ավելի լավ ճանաչելու և հիշողություններ ստեղծելու տարիներ են։ Իսկ հայրենիքի գեղեցիկ վայրերը ճանաչելն ու սիրելը այդ ճանապարհի կարևոր մասն են։

Շատ ուրախալի է տեսնել ուսանողների նախաձեռնողականությունը, ակտիվությունն ու հետաքրքրությունը։ Թող նման օրերն ու միասին ապրած գեղեցիկ պահերը դեռ շատ լինեն։

Շնորհակալություն 205 խմբի ուսանողներին այս գեղեցիկ նախաձեռնության համար։

Սիրենք մեր հայրենիքը, ճանաչենք նրա պատմությունը և հպարտանանք նրա անկրկնելի գեղեցկությամբ։