Սույն թվականի հունվարի 23-ին ՀԲԻ-ում կայացավ կենսաբանական գիտությունների թեկնածու, դոցենտ Ծովինար Իշխանի Ադամյանի վերջին դաը։ Տիկին Ադամյանը մոտ երեք տասնամյակ աշխատել է ՀԲԻ-ում՝
մեծապես նպաստելով բժշկների նոր սերնդի կերտմանը։ Տիկին Ադամյանի վերջին դասին էին հավաքվել նրա՝ տարբեր տարիների ուսանողները, կոլեգաները, որոնց մեջ կային նաև նրա ուսանողներից, և ՀԲԻ-ի ռեկտոր Մ․Ա․ Աստաբացյանը։ Պարոն Աստաբացյանը, ողջունելով բոլորին, իր խորհին շնորհակալությունը հայտնեց Ծովինար Իշխանի Ադամյանին ՀԲԻ-ում իր աշխատանքային բեղմնավոր գործունեության, ինստիտուտի կյանքում անուրանալի ներդրման, ապագա բժշկների կրթության գործում մեծ ավանդի համար։ ՀԲԻ-ի ռեկտորը՝ ներկաների,ծափողջույնների ուղեկցությամբ տիկին Ադամյանին ծաղիկներ հանձնեց և պատվոգիր շնորհեց։ Ներկաները ևս երախտիքի խոսքեր ասացին սիրելի գործընկերոջը և դասախոսին։ Չնայած տիկին Ադամյանն ավարտեց իր դասախոսական գործունեությունը ՀԲԻ-ում, սակայն նրա աշխատանքը չի ավարտվի, քանի որ նրա տված գիտելիքներով դեռ կառաջնորդվեն նրա ուսանողները։
